Tembung Camboran

Tembung camboran tegese loro utawa sing dirangkep dadi siji.

Tuladha: meja tulis, buku gambar, balung kuwuk, sayuk rukun, narapati.

Warna-warnane tembung camboran.

A.    Manut wujude

1.      Camboran tugel, yaiku tembung camboran kang dumadi saka tembung lorosing dirangkep dadi siji kanthi ngurangi jumlah wandane.

Wujude camboran tugel

1.Tembung garba (sandi)

Tuladha: Nara + pati = narpati

Prapta + ing = prapteng

Idu + abang = dubang

Iya + iku = yeku

Sura + ing = sureng

Parama + iswari = prameswarI

2. Kerata basa

Tuladha: Digugu + ditiru = guru

Balung + kulit = lunglit

Gawe + kadang = wedang

Kaku + cempluk = kupluk

2.         Camboran wutuh, yaiku tembung loro sing dirangkep dadi siji nanging ora nganggo   ngurangi jumlah wandane.

Wujude camboran wutuh:

1. Rerangken determinatif (DM)

Tuladha : Meja tulis

Lemari kaca

Pager bata

Pitik walik

Buku gambar

2. Baliswara (rerangken MD)

Tuladha : Pancasila

Bimaputra

Wijaya kusuma

Mahasiswa

Dwiwarna

3. Tembung saroja

Tuladha : Sanak kadang

Wa sumelang

Papa cintraka

Japa mantra

Lara lapa

4. Yogyaswara

Tuladha : Dewa-dewi

Siswa-siswi

Putra- putri

Bathara- bathari

Pemudha- pemudhi

5. Tembung kosok balen (Antonim)

Tuladha : Gedhe x cilik

Enom x tuwa

Lanang x wadon

Mangkat x mulih

Dawa x cekak

Dhuwur x cendhek

B.     Manut kekarepane

1.      Cmboran tunggal, yaiku tembung loro sing dirangkep dadi siji, nanging tembung siji lan sijine wis ora kena dipisah-pisah maneh lan wis nduweni teges anyar.

Upamane balung iku perangane awak utawa kewan sing atos dhewe. Kuwuk iku kucing alasan ora ana sing ndarbeni. Banjur dirangkep dadi “balung kuwuk” sing tegese criping pohung.

Tuladha: Randha royal

Semar mendem

Nagasari

Gandarukem

Daramuluk

2.       Camboran wudar, yaiku tembung camboran sing tembung siji lan sijine isih nduwe teges dhewe-dhewe.

Tuladha: Meja tulis

Pelem golek

Wayang kulit

Piring beling

Sumber : https://belajarbahasajawa2013.wordpress.com/2013/12/11/tembung-camboran/