Widyamakna

      Widyamakna

Manut owah gingsire lan ngrembakane tembung, njalari tembung uga katut owah gingsir lan ngrembaka. Ing antarane ana tembung kang tegese dadi mingkus utawa ana uga tembung kang tegese dadi melar.

Tuladha :

a.       Teges mingkus

1)      Mau bengi ibu sowan menyang daleme kyai Sholikhin.

2)      Adhiku saiki wis lulus sarjana elektro.

3)      Berlin kuwi sekolahane ing madrasah cedak omahe.

4)      Soni melu lelayaran bapake nalika liburan sekolah.

Tembung	Teges Sekawit	Teges Saiki
Kyai	Kabeh wong kang dianggap sekti	Wong kang ahli agama Islam
Sarjana	Kabeh wong pinter	Jeneng gelar tumrap wong kang wis lulus sinaune ing perguruan tinggi
Madrasah	Kabeh sekolah	Sekolah mligi kanggo bocah-bocah muslim
Lelayaran	Numpak prau sing nganggo layar	Numpak prau sing nganggo mesin

b.      Teges melar / amba

1)      Mangga bapak pinarak rumiyin. Kula tak madosi bapak sekedhap.

2)      Sedulur-sedulur piye yen mengko bali sekolah padha tilik Bu Guru?

3)      Nyuwun sewu ibu, badhe nyuwun pirsa?

4)      Dadi anak iku kudu mbangun turut marang wong tuwa lan guru.

Tembung	Teges Sekawit	Teges Saiki
Bapak	Sisihane ibu / bojone ibu	Kabeh wong kang wis pantes kasebut bapak senajan isih enom
Ibu	Sisihane bapak	Kabeh wong wadon kang wis pantes kasebut ibu senajan isih enom
Sedulur	Wong tunggal bapak lan ibu	Kabeh wong kang pantes kasebut sedulur
Anak	Putra saka bapak lan ibu	Kabeh bocah senajan dudu anake dhewe

Kapetik saka Buku Basa Jawa Kelas XII Tahun 2012