Ukara Pitakon

Ukara Pitakon

Ukara pitakon utawa kalimat tanya yaiku ukara kang isine awujud pitakonan. Ukara iki racake migunakake tembung pitakon apa, piye, pripun, kados pundi, sinten, sapa, pira, pinten, ing ngendi, wonten pundi, cobi, kapan, lan kala punapa. Ukara pitakon bisa kapilah-pilah dadi kaya ing ngisor iki.

a.       Ukara pitakon lumrah

Tuladha :

Ø  Omahmu ing ngendi?

Ø  Saiki wis jam pira?

Ø  Paramasastra kuwi apa ta tegese?

b.      Ukara pitakon kang ora perlu wangsulan (ukara retoris)

Tuladha :

Ø  Kesandhung kuwi apa lara ta, Kang?

Ø  Sapa sing ora kepingin munggah ing kelas iki?

Ø  Iki ta daleme Pak Teguh?

c.       Ukara pitakon paminta

Tuladha :

Ø  Piye yen leren dhisik?

Ø  Saumpama klambi kuwi diwenehake adhimu piye, Ndhuk?

Ø  Kowe mathuk apa ora yen saiki awake dhewe besanan?

Kapetik saka Buku Basa Jawa Kelas XII Tahun 2012